المقادير
120 جرام زبدة غير مملحة طبعا
تلاتة ارباع المج اللى بنشتغل به سكر رفيع الحبيبات مش بودرة
2 بيضة و رشة فانيليا
ملعقة صغيرة ممسوحة بيكنج بودر
نصف ملعقة صغيرة ممسوحة بيكنج صودا
رشة ملح صغيرة
كوب شوفان لو تحبى و ممكن لا بس صدقينى الشوفان مفيد وفى الكوكيز مش بيبان فحيكون مفيد للاولاد اللى مبتحبش الشوفان
2 مج دقيق لو عايزة الكوكيز شوكولاته شيلى تلت كوب دقيق و مكانه كاكاو
100 جرام قطع شوكولاته لو انتى حتعملي الكوكيز شوكولاته يبقى تحطى شوكولاته بيضاء قطع لو حتعملى الكوكيز بيضاء حطى شوكولاته قطع بنية وممكن متحطيش شوكولاته وتحطى زبيب او اى مكسرات مجروشة نوعى زى مانتى عايزة فى الكوكيز فى منها اصناف كتييييييير
وممكن اضافة رشة قرفة للى بيحبوا طعم القرفة فى الكوكيز بس انا هنا محطتش
نبتدى الصور والطريقة
نجيب مضرب الكهربائى و على فكرة انا ساعات بعملها برده بالمضرب السلك اليدوى و نحط الزبدة والسكر و نضرب لحد ما يكون كريمة حلوة
و بعدين نضيف البيض و رشة الفانيليا
و نحط كوب الشوفان
و بعدين نضيف الدقيق او الدقيق و الكاكاو مع البكنج باودر و البكنج صودا والملح
و ده المج اللى انا اشتغلت به هو اللى فى الصورة
بس و نقلب بايدينا او بالعجانة لحد ما نحصل على عجينة طرية ومتماسكة يعنى تكون سهل تطاع من ايدينا بنسبة 80 % و طبعا ممكن تحتاج اضافة دقيق على حسب نوع الدقيق و نزود الشوكولاته او المكسرات
و نعجن تانى
و بعدين نشكلها فى الصاجات زى ما احنا عايزين طبعا الشكل المتعارف المدور بس خاى بالك حجمها بيكبر شويه فى الفرن فخلى مسافات ما بينهم
انا المرة ده عملتها كبيرة شويه حاجة تملا العين
اهم حاجة الخبز على 180 درجة و يكون الفرن متسخن وبتاخد حوالين الربع ساعة ممكن ازيد كام دقيقة
اهم حاجة اوعى تسيبيها لحد ماتمسك خالص زى البسكوت العادى لاااااااا عشان النوع ده بيكمل نشفانه بره الفرن فلما تعدى الرع ساعة خليكى جنب الفرن لما تمسك من تحت و تلاقى وشها ظهرت علية الخطوط و الشقوق اللى هى معروفة فى شكل الكوكيز الجميل بتكون تقريبا خلاص بصوا كده
شايفين الشقوق الكوكيزية المظبووووووووووطة بصوا كمان حاوريكم هى لسه طرية ازاى من فوق لما تحطى صوباعك من فوق حتلاقىه بينزل زى كده
ادينى بوظت شكل واحدة عشان خاطركم بس واوعى تحركيها سيبيها 10 دقايق تهدا وتشيليها من الصاج
حتلاقيها مسكت نفسها خالص و بقت تمام
و ده واحدة تانية بالقرفة والشوكولاته البنى ولاحظى انا انا عاملة فيها اشكال عادى وانتى بتشكلى العجينة بططيها على الرخامة وقطعيها بقطعات الكوكيز
و يارب تكون عجبتكم وعرفت اشرحها بالتفصيل كعادة مواضيعى بس يا ريت لو عجبكم الموضوع تقيممممممممممممممممممممممممممممممممممممممممممممممم موه
يا هووووووووووووووووووووووووووووووووووه
